Dreame Bot Vacuum Cleaner D9 Plus - ბიუჯეტური რობოტი მტვერსასრუტი, რომელიც საკუთარი კომპლექტაციითა და ფუნქციონალით გამორჩეულია. მომხმარებელს საჭიროების შესაბამისად შეუძლია აირჩიოს წმენდის ტიპი: სველი, მშრალი ან კომბინირებული. Dreame-ის ეს მოდელი განსაკუთრებულ „ყურადღებას’’ იჩენს ხალიჩების სისუფთავის მიმართ - სპეციალური სენსორი ხალიჩაზე გადასვლისას რობოტს მიუთითებს, რომ შეწოვის მაქსიმალური სიმძლავრე გამოიყენოს, რაც, რა თქმა უნდა, სისუფთავის ხარისხზე აისახება. თუ თქვენ რამდენიმე სართულის დასუფთავება გსურთ აღნიშნული მოწყობილობისათვის ესეც არ წარმოადგენს პრობლემას - შეგიძლიათ სამი სართული დაამახსოვრებინოთ და თითოეულ მათგანზე თქვენს მიერ არჩეული თანმიმდევრობის მიხედვით დაასუფთავებს ოთახებს. რაც ყველაზე მნიშვნელოვანია, ამ რობოტ მტვერსასრუტს მოყვება თვითმცლელი სამუხტი სადგური, რომელშიც მოთავსებულია ნარჩენების ტომარა. მისი მოცულობა საკმარისია, რომ დაახლოებით 45 დღის მანძილზე რობოტმა ნარჩენები მასში მოათავსოს , შემდეგ მომხმარებელი გაასუფთავებს ტომარას ნარჩენებისგან და შეძლებს მის ხელახლა მოხმარებას. რობოტი იმდენად ჭკვიანია, რომ თქვენს ხმოვან ბრძანებაზეც კი რეაგირებს, ამისათვის ჭკვიანი ხმოვანი ასისტენტებიდან ერთ-ერთი: Google Assistant-ი ან Amazon Alexa დაგჭირდებათ.